元旦

又到新既一年，
今日係四十年黎最凍既一個元旦，
（當然對某人黎講，小兒科啦）
係度各位新年進步，
平平安安，
心想事成。

係舊年年尾，
發生左件傷亡慘重既天災，
希望新既一年少 d 天災人禍。

---

大衛哥哥睇呢幾日睇晒我個三百幾篇日記，
配服佢既毅力。
佢係佢日記亦都留低左一 d 回應，
提醒左我既七年大計。
都係時候做些回顧。
原來個七年計劃已經差不多年半，
但係落後左兩萬一千三百五十四個三毫二千四，
睇黎黎緊既半年，
要加把勁至得。
不過剛剛入左落個毒海，
要好有意志先得，
節流難，
想辦法開源又得唔得呢？

細牛提議玩外幣，
似乎都可行。

講完財務，
輪到學業。
Master 終於讀完，
結果埋單 1 個 A+, 6 個 A, 3 個 A-, 1 個 B+，
平均 10.63 (A) 畢業。

日文方面下個星期再次開始讀，
今次報三級能力試班，
兩年內，
如果上完堂兼且考三級能力試及格的話，
就會有八成 Refund。
放低左成三個幾月，
現在一個星期上兩堂，
希望跟得返啦。


至於感情生活方面，
同七百一十九日之前一樣，
沒有甚麼變化。

---

下午先去細牛到打機，
阿力放工之後，
再去阿力度。
第一次見到佩婷，
好美麗喔……^_^


夜晚有商台個頒獎禮，
今年冇飛，
冇得去。
結果係電視到睇一陣，
克勤冇男歌手獎，
好唔開心…… ><

十一點返到屋企睇紐卡素對伯明翰，
紐記終於贏波了。
點幾會合阿力，
再上細牛到睇埋曼聯對米杜士堡。
睇完已經好夜了。