50-200

昨日話破費，
其實今日先進行交易。
若左個賣家七時三十分係九龍站等，
（冇錯，係二手野。新既仲貴好多）
因為近屋企，
所以我返工冇帶晒裝備。
放左工就坐地鐵返企拿再出去。
因為 Debug 攪耐左，
返到屋企成七點四，
Pack 好野出到去成七點七，
係提款機拿埋錢，
都唔係點見個賣家。
打電話畀佢，
原來佢仲係公司…


結果周圍行左陣，
睇中個背包 For 裝野去定向比賽。
（不過都唔慌有錢買）
又去麥記食左個豬柳漢堡，
飲左杯咖啡。（竟然沒有奶旨賣…）


等到八點幾，
賣家終於都到喇。
同佢係麥記傾左陣，
又學唔少野。
檢查過件野，
保養得好好，
臨別就梗係好肉痛咁畀錢啦


返到屋企都成九點半，
先整晚餐食。

計計條數，
剛剛出份糧洗晒喇。
剛剛買呢件野啦；
家用啦；
學費啦；
卡數啦；
保險啦。
仲話儲錢，
今個月一元都儲唔到…