職業病

我有個職業病，
就係好鍾捉蟲。
不過都唔係出左黎做野先有，
讀書時已經係咁，
甚至乎已經係去到不隨意既境界，
去到反射神經既反應咁。

近日行經荃灣，
又忍唔住想捉蟲。
話說兩個星期後係區議會選舉，
其中一個候選人，
佢既其中一個口號係：
「少說話，多做事」

如果佢係參選最勤力牛，
呢個口號就用得著，
可惜佢參選「區議會」，
留意個「議」字係言字邊的……

---

「萬事俱備，只等聖誕。」
可以用黎形容呢一刻既我，
幾日時間，
就已經攪掂左機票同假期，
等多個零月，
十二月二十二日，
我就出發喇。

早個幾兩個月前收到大衛同學電話，
問我駛唔駛去 Las Vegas 個 CES，
佢話佢要 WOR。
我一路都以為佢已經去完返黎，
點知原來一月先係 CES，
我玩完返黎佢都未過去。

---

旅行已經洗左萬幾（應該仲有成萬要洗），
買相機又將會洗萬幾，
結果幾樣想買既野都可能要押後。
一樣係遊戲機（隨了 wii 之外， xbox 360 都有 d 興趣），
另一樣係 Wargame 既槍（冇錯，我係講左半年都未買架……）