有時真係畀我媽激死,
話說最近 7 仔出左 d 叮叮飯。
好多選擇,
有金針雲耳蒸雞、
牛肉餅等等。
價格相宜,
味道亦唔錯,
所以我媽大量入貨。
每次見到,
我都會盡快清左佢。
基本上可以的話,
我早午晚三餐都係食佢既,
原因唔係我鍾意食,
而係因為再唔食就浪費。
因為通常 d 叮叮飯,
都係差唔多到期,
甚或是已經過期……
好不容易我清晒之後,
媽又再入貨。
終於,
我忍唔住問媽:
「媽,你好鍾意食呢 d 飯咩?」
媽:「唔係呀,不過我見佢抵嘛……」
我:「但係過期架 wor……」
媽:「唔係呀……」
我:「呢度寫二零零七年四月十七日,今日十八號喇 wor……」
媽:「咁邊係過期呢?係昨日到期之嘛……」
結果,
我今朝早餐係那個上星期二到期的「未過期」叮叮飯……
好不幸地,
雪櫃中至少還有三盒……
No comments:
Post a Comment