黑雨

今日落大雨，
三十分鐘內連續掛上黃雨、紅雨、黑雨。
係公司望出街外，
個天係黑色既，
就好似天黑咁。
要留意既係，
當時只係早上十一點幾。

食午飯個時，
同事問點解黑雨唔係放工。

一般黎講，
打風時（掛八號風球），
通常都可以提早收工。
但係落雨（就算落黑雨），
都好少可以提早收工。

根據勞工處份手則
「如果黑色暴雨警告在辦公時間內發出，
除非會有危險，
否則在戶內工作的僱員應留在工作地點如常當值，
而在戶外及空曠地區工作的僱員則應停止工作，
並立即到安全的地方暫避，
直至警告取消及天氣情況許可，
才恢復工作。」

其實都合理既，
打風可能打成日，
甚至交通會停，
可能返唔到屋企。

但係落雨呢？
交通未必會停，
而且係街外可能仲危險過係室內。
更何況黑雨好少掛成日姐，
一陣停左雨要再返工咪仲麻煩。

---

四年一度既世界盃又黎喇，
今日係揭幕戰。
不過唔知點解，
可能人大左啦，
冇左以前好想好想睇波個種狂熱。
睇到咪睇 lor，
睇唔到咪由佢……