重回工作崗位,
面對的仍然係那些 Projects,
面對的仍然係那些難題,
解決方法仍然未有。
放完假叉完電,
唔知會唔會好 d。
今日放工雞咁腳走,
落左紅磡一間機鋪睇比賽。
以往落黃埔找威哥,
多數係呢間機鋪等佢。
呢間機鋪亦係全港十五間有得玩我玩開隻 Game 既機鋪之一,
所以舊年年尾我都成日去。
不過自從我班 Friends 冇玩之後,
我冇再去,
改為去近我公司既觀塘,
又或者近我屋企既油麻地和旺角。
今晚場比賽,
係十五場初賽既其中一場,
我都報左兩場,
不過係兩個星期後先打。
今日去,
主要係感受下比賽既氣氛,
同埋操返 d 狀態,
話晒我兩個星期冇掂啦嘛。
今日比賽水準好高,
決勝戰勝負之分甚至係最後一秒。
我稍為冷卻的心又再熾熱起來。
比賽完後,
手痕落場打兩鋪,
一勝兩負,
始終耐冇打,
技術有些少生疏。
希望兩個星期可以 Pick up 返,
唔想係比賽做三零部隊。
敝 lor,
我關心打機仲多過自己份正職……
No comments:
Post a Comment