順帶一提, 如果打算坐呢類長途巴士, 請記得早 D 買飛.
我 D 朋友就係買唔到新宿出發既 (Full 晒)
好彩仲有由東京站出發(當然貴好多啦)
Check in 完,
食個早餐先, 呢間就係酒店對面個間 Naka 卯
Naka 卯可算係日本既平民快餐店, 大約幾百Yen 左右有一個飯.
係門外既自動售票機買?飛,
就入去等食
雖然我買左 Kansai Thru Pass,
但係我D 朋友未買, 所以我地先去買Pass.
原來除了機場之外,
仲有好多地方有得賣.
以下係售賣地點List:
關西國際機場KAA 旅行服務台（關西國際機場1樓／7:00～22:00）
南海電鐵關西機場站窗口（5：00～23：00）
大阪機場綜合問詢處
（大阪機場南、北航站樓1樓／北航站樓 8：00～21：00 南航站樓 6：30～21：00）
京都站前巴士綜合問詢處（京都站烏丸口／7:30～20:00）
大阪遊客指南中心‧ 難波（南海大樓1樓綜合信息咨詢中心難波內／9:00～20:00）
大阪遊客指南中心‧ 梅田（JR大阪站中央檢票口／8:00～20:00）
大阪遊客指南中心‧ 天王寺（JR天王寺站中央檢票口／9:00～18:00）
大阪遊客指南中心‧ 新大阪（JR新大阪站東出口／9:00～18:00）
奈良觀光中心（近鐵奈良站下車／9:00～21:00）
大阪國際青少年旅行招待所（南海羽衣站下車／6:00～23:00）
新大阪青少年旅行招待所（大阪市營地鐵新大阪站下車／6:00～23:00）
PanStar Ferry大阪客運碼頭（大阪市營地鐵線宇宙廣場站（KOSMOSKUYEYA）下車／星期一、星期三、星期五10:00～16:00）
今日既遊覽地點比較特別,
係伊賀既忍者村.
首先坐地鐵去難波.
坐近鐵去鶴橋站.
原月台轉車去伊賀神戶站.
沿途風景優美
車箱入面係咁既
到左伊賀神戶站喇
不過其實我地仲未到目的地,
但因為目的地上野站唔包括係 Kansai Thru Pass 使用範圍內, 我地係要另外買飛架.
係伊賀神戶站, 其實已經有唔少同忍者有關既野
今年仲要係伊賀上野城築城四百年紀念
伊賀鐵道架車幾得意架
到喇到喇. (呢個上野站係伊賀入面, 同東京個上野係兩個唔同地方黎架)
係上野站, 見到另一列好 Kawaii 既列車
站內比伊賀神戶站更多忍者色彩
睇睇地圖先, 首先要穿過隧道過對面先, 如果唔係就要繞好大段路.
其實由大阪黎到伊賀, 車程都唔短,
所以又係時間醫肚 (係, 我承認我好為食)
係日本, 除了神戶牛, 松板牛之外,
伊賀牛都幾出名.
今日既午就係伊賀牛喇
餐牌寫到明用伊賀牛架
好, 有得食, 賣相好得下, 味道都十分之好
食完又要出發. 基本上, 上野市有三個景點, 會部位於上野公園入面
包括忍者博物館, 伊賀上野城, 俳聖殿.
三個地方都要購票入場.
一次過買晒三個地方既入場卷, 亦都有折扣,
不過我地對後兩者興趣不大,
只係買左忍者博物館既入場券
忍者博物館分三部份,
首先係機關屋,
呢部份會有工作人員示範.
聽唔日唔緊要,
留意個D 拉幕係畀外國人睇既英文說明, 有外國人參觀先會拉落黎.
之後行一段樓梯去睇展品
呢部份更加貼心,
除了日文的說明之外.
仲有英文, 簡體中文, 繁體中文, 韓文既說明
睇完對忍者既認識更深.
下圖呢個水蜘蛛, 就係讓忍者係水上面行用既.
可以企上去體驗下
唔睇過都唔知, 原來飛標(手裡劍)有咁多種, 連投擲既方法都有七種
仲有古代忍具同現代用具既對比 :smile_30:
第三部份係忍者實演 Show, 可惜我地去到太晚, 當日場次已經振演完畢:')
之後係伊賀上城既周圍影?相
冇睇錯, 係寫住朝鮮
之後開始回程.
整體而言, 呢個博物館真係值得推介！:smile_53:
因為之前落雨既關係, 車廂中掛滿晴天公仔
返到心齋橋, 行左陣街,
之後去食拉麵
呢間山頭火, 真係好好食
餃子, 我覺得麻麻
味噌拉麵.
呢碗一睇就知係辣架啦
叉燒拉麵
食完行多陣就返酒店, 聽日落京都
No comments:
Post a Comment