10:05 機
飛二十個鐘, 超攪笑 :smile_30:
改返? D 資料喇
原來現在有插穌, 又幾好咁 Wor
機上午餐, 一般啦.
兩點幾步出機場, 關西我到喇
過左橋之後, 就見到買飛既地方喇. 左手面係南海電鐵, 右手面係JR.
如果你係買單程飛, 有自動售票機, 唔駛排咁長龍架.
我排南海個邊, 因為我要買大阪出張券同埋 Kansai Thru Pass (冇錯, 除了可以係遊客中心買之外, 呢度都買到)
呢套就係大阪出張券喇, 左上黃色個張係大阪市內地鐵一日任坐, 右上個張就係 Rabbit 號既車飛,
留意係有劃位架, 有印住幾時幾分既列車, 坐第幾節車箱同埋第幾號位.
因為趕住上車 (買完飛得返五分鐘入閘上車), 所以之後冇影到相, 買完飛擰轉身就係入閘機.
架車係咁既樣既 (呢幅係坐完之後補影返)
呢個係離開機場既第一個站, 呢度係有 Outlet 既, 最後一日可以係呢度作血拼既最後衝刺 (可惜我唔夠時間:'))
車廂有寫下個站係咩, 唔驚落錯車. 不過我地旅行既, 大部份都係坐到去難波, 即係總站
到總站喇
返關西機場普通車, 就係呢邊坐.
今次酒度係新大阪個邊, 所以要由難波站轉坐御堂筋線(轉車所行既路線都唔短架)
車箱內有呼籲大家節電既宣傳品
去到酒店, 酒店對面有間廿四小時營業既食店, 咁就唔驚夜晚肚餓要找宵夜食啦
大阪有 D 路會分晒色, 一邊係人行, 一邊係單車行既
係酒店 Check in 完, 放低行李, 返心齋橋行街.
夜晚去左呢間食
係谷町線既谷町六丁目站既三號出口出(留意三號出口既位置同其他出口唔通, 所以睇清楚先出閘)
三號出口出黎轉左, 行一兩個街口就到, 一路行留意左手邊就唔會 Miss 左.
鋪頭入面貼左好多明星光顧既相片, 睇下放牛個電櫃幾大個？
呢份係 Menu
叫左個二千九百?既Special Set
先黎頭盤豆腐沙拉
主菜係鐵板上, 包括 120g 既神戶牛柳, 同埋神戶牛打成既漢堡扒, 仲有配菜同飯. (幾本上只食漢堡扒都夠飽)
之後仲有電榚同生果
食到好飽好飽. 聽日匯合埋早我地一個星期出發去東京既Friends, 正式展開關西之旅.
No comments:
Post a Comment