今朝原本有波踢,
不過撞左崇拜,
咁我梗係崇拜行先啦。
今日係復活節主日,
教會每年有兩次浸禮,
一次係聖誕,
另一次就係復活節。
一個係紀念基督降生,
一個係紀念基督勝過死亡而復活。
今年都唔例外,
一樣有浸禮,
有三位受浸既新葡。
我同威哥今日都有返崇拜,
都好耐冇係教會見過佢。
唔係佢要返工咩,
就係我要比賽。
今日本來佢都要返工,
仲要係返朝早五點。
但係九點幾有個 Break,
之後點幾兩點再返。
咁因為呢個 Break,
佢就可以返崇拜喇。
不過佢中途都要趕住走,
就係牧師講完道,
守主餐之前,
佢就走左喇。
完左崇拜之後,
我去左圖書館。
自三年幾前我唔見左銀包,
連同圖書證都唔見埋之後,
我冇補領到,
亦都冇去過圖書館。
今日再去,
都係想睇下有咩圍棋書,
想買個幾本佢都有。
其實佢圍棋書唔算多,
一行都放唔滿,
不過本本都吋幾兩吋厚,
點睇呀?
No comments:
Post a Comment